Per in entir onn traversais Vus il Grischun en crusch ed en travers. Nua ed uschè savens sco che Vus vulais, gist sco ch'igl As plascha.

Il BÜGA per pèrs da tut gener. Impurtant èsi che Vus vivias en la medema chasada e ch'ina persuna haja in BÜGA da basa u in abunament general svizzer da basa.*

Persunas che n'èn betg maridadas dovran in attest da domicil per tuttas duas persunas. Conjugals e pèrs cun partenadi registrà ston preschentar l'attest da famiglia / da partenadi u il cudeschet da famiglia.

*Sco BÜGA da basa u sco abunament general svizzer vala in abunament annual per creschids, per giuventetgna, per seniors, per persunas cun impediments.

Durant 1 mais via libra sin la viafier ed en ils bus tras tut il Grischun. Grazia al SwissPass da retrair er a l'automat da bigliets.

Uffants (6 – 16 onns) resp. giuvenils (16 – 25 onns) che vivan en la medema chasada sco lur geniturs, survegnan lur BÜGA ad in pretsch reducì, sche almain in genitur ha in BÜGA da basa*. Ultra da quai profita l'auter genitur dal favuraivel BÜGA-Plus Familia per partenaris, sch'in uffant ha in BÜGA-Plus Familia (per uffants u per giuventetgna).

Per questas cumbinaziuns da BÜGA-Plus ston vegnir preschentads in attest da domicil (betg pli vegl che 30 dis) e/u il cudeschet da famiglia. Per giuvenils sur 16 onns è in attest da domicil necessari obligatoricamain.

*Sco BÜGA da basa u sco abunament general svizzer vala in abunament annual per creschids, per giuventetgna, per seniors, per persunas cun impediments.

As permettai da meglierar Voss viadi! Vus avais la pussaivladad da transfurmar Voss BÜGA (2. classa) per 1 entir mais, dentant er mo per 1 unic di en in abunament da 1. classa.