BÜGA

Indemnisaziun pervia da la pandemia dal coronavirus

Durant la pandemia dal coronavirus n'ha blera clientella dal traffic public betg pudì duvrar lur abunaments sco planisà.

La branscha dal traffic public è sa decidida cuminaivlamain d'indemnisar sia clientella fidaivla.

Consequenzas da la pandemia dal coronavirus per il traffic public en Svizra

Pervia da la pandemia dal coronavirus è la purschida en il traffic public vegnida reducida fermamain, ed il Cussegl federal ha supplitgà la populaziun d'evitar sche pussaivel il traffic public.
 
Pervia da quai è la dumonda en il traffic public sa reducida temporarmain per 80 % en l'entira Svizra, e la branscha dal traffic public perda uschia mintga mais entradas da var 500 milliuns francs.
 
Durant quest temp n'ha numerusa clientella betg pudì duvrar sco planisà ses abunaments da traffic public gia cumprads. La branscha è perquai sa decidida d'indemnisar la clientella en moda pragmatica e cun prudientscha.

En il rom da las pussaivladads finanzialas actualas è questa soluziun gist anc acceptabla e supportabla per las interpresas participadas. Cun questas mesiras da culanza sustegnan ed indemniseschan las interpresas da transport ed ils consorzis da traffic public la clientella cun totalmain passa 100 milliuns francs – senza meds dal maun public.


Ulteriuras infurmaziuns davart las mesiras naziunalas d'indemnisaziun chattais Vus qua:

www.allianceswisspass.ch


Applicaziun da la regla naziunala da culanza tar il BÜGA dal mais

En general vegnan las possessuras ed ils possessurs d'in abunament dal mais indemnisads en furma d'in Rail Bon d'ina cuntravalur da 15 % da la valur da l'abunament. Per il Rail Bon vegn questa summa arrundada sin il proxim franc. 

In Rail Bon survegn, tgi ch'era ils 17 da mars 2020 en possess d'in BÜGA dal mais valaivel. Il Rail Bon vegn tramess a la clientella autorisada per posta. El po vegnir duvrà per cumprar in abunament dal mais u da l'onn dal traffic public en il Grischun.

Applicaziun da la regla naziunala da culanza tar il BÜGA annual

Ils abunaments annuals vegnan prolungads per mintgamai 15 dis.
 
Vegnir prolungads automaticamain pon mo ils abunaments sin il SwissPass. Las possessuras ed ils possessurs autorisads vegnan infurmads per e-mail, per SMS u cun ina brev davart la prolungaziun da l'abunament. La nova data da valaivladad po vegnir consultada sut www.swisspass.ch. Là pon ins ultra da quai gist tscherner il chanal da communicaziun giavischà per infurmaziuns futuras (e-mail / SMS / brev). 

Tgi che posseda in BÜGA annual, ch'era anc vegnì emess cun la cartina dal BÜGA, survegn in Rail Bon d'ina valur da 15 dis d'abunament, arrundà sin il proxim franc.

10 da matg 2020 en possess d'in BÜGA annual valaivel. Il Rail Bon vegn tramess a la clientella autorisada per posta. El po vegnir duvrà per cumprar in nov abunament da l'onn dal traffic public en il Grischun.

FAQ

Qua chattais Vus respostas a las dumondas las pli impurtantas en connex cun la regulaziun da culanza per il BÜGA pervia dal coronavirus. Per tut las ulteriuras dumondas stat il Railservice da la Viafier retica gugent a Vossa disposiziun.

Il Rail Bon po vegnir duvrà per cumprar in nov abunament dal mais* u da l'onn en il Grischun. Latiers tutgan las suandantas purschidas:

  • abunament general grischun BÜGA
  • abunament dal consorzi Engadin mobil (ina u pliras zonas)
  • abunament dal consorzi TransReno, zona 1
  • abunament da lingia: almain il lieu da partenza u il lieu da destinaziun da l'abunament sto esser en il Grischun
  • abunament da modul: «zona» en il Grischun
  • abunament general GA

Il Rail Bon è persunal, n'è betg transmissibel e na po betg vegnir restituì u barattà. In pajament en daner blut n'è betg pussaivel.

 

*In abunament dal mais po vegnir cumprà mo, sch'il Rail Bon è vegnì emess sco indemnisaziun d'in abunament dal mais

Il Rail Bon è vegnì tramess durant l'emna chalendara 20. I dat differents motivs, pertge che Vus na pudessas betg avair survegnì in bon: Eventualmain figurescha per exempel ina faussa adressa en noss sistem. Contactai per plaschair noss Railservice sut 081 288 65 65 u sut railservice@rhb.ch. Il meglier è, sche Vus avais gist per mauns Voss abunament vegl.