Cun l'abunament general grischun via libra tras il Grischun, tgi n'enconuscha quai betg?
L'abunament cumpiglia anc dapli. Las interpresas da transport en il chantun Grischun s'uneschan sut la marca BÜGA e vivan cuminaivlamain il traffic public en il Grischun. Cun il sustegn da l'uffizi d'energia e da traffic dal Grischun han innovaziun e buna collavuraziun emprima prioritad.
Il BÜGA n'è betg mo valaivel sin la buna rait dal traffic public en il Grischun, mabain er suror quella. Cun il BÜGA viagiais Vus fin Ragaz Bogn, Bellinzona, Clavenna, Mals, durant ils dis da circulaziun dal bus express dal Bernina da Tirano a Lugano, da Tirano sur il pass dal Stelvio a Müstair e da Spleia a Clavenna.
Alp Grüm
L'Alp Grüm cuntanschan ins mo a pe u cun la Viafier retica. Qua avais...Ulteriuras infurmaziuns
L'Alp Grüm cuntanschan ins mo a pe u cun la Viafier retica. Qua avais Vus ina vista spectaculara sur la Val Puschlav. As rinforzai sin la terrassa sulegliva dal restaurant Alp Grüm cun bizochels fatgs en chasa per Vossa tura per lung da la lingia da viafier, fin giu Cavaglia u fin sin l'ospizi dal Bernina, il tetg da la Viafier retica (2253 m s. m.).
Val Puschlav
La Val Puschlav sa distingua tras ina cuntrada intacta cun blers vitgs, en...Ulteriuras infurmaziuns
La Val Puschlav sa distingua tras ina cuntrada intacta cun blers vitgs, en ils quals i vala la paina da sa fermar. Cun Voss BÜGA pudais Vus entrar e sortir dal tren sainza problems. En il vitg da Poschiavo giudais Vus ina pizza u in glatsch sin la plazza pittoresca ed alura ina spassegiada tras il quartier dals Spagnols «I Palazzi».
Viaduct da la Landwasser
Tgi n'enconuscha betg il viaduct da renum mundial sur la Val da la...Ulteriuras infurmaziuns
Tgi n'enconuscha betg il viaduct da renum mundial sur la Val da la Landwasser a Filisur. Cun il BÜGA giudais Vus via libra sur il monument bain il pli spectacular da la Viafier retica. Er vali la paina da sortir dal tren a Filisur. Ina spassegiada tar il punct panoramic impressiunant u ina marenda patgifica directamain sut il viaduct da la Landwasser As spetgan.
Museum da viafier
Er la stad poi dar dis da plievgia ed er durant tals dis sa paja d'avair cun...Ulteriuras infurmaziuns
Er la stad poi dar dis da plievgia ed er durant tals dis sa paja d'avair cun sai il BÜGA. Pertge che a Bravuogn spetga il Museum da viafier Alvra famiglias ed amaturs da viafier ed As preschenta l'istorgia da la viafier en il Grischun. En il museum avais Vus tranter auter la pussaivladad da metter en moviment virtualmain – cun dretgas clavellas e cun dretgs manetschs – la locomotiva legendara «Crocodil», e da la guidar tras la Val d'Alvra.
Claustra da Mustér
Profitai dal BÜGA per in viadi en Surselva. Gia al cumenzament dal...Ulteriuras infurmaziuns
Profitai dal BÜGA per in viadi en Surselva. Gia al cumenzament dal viadi spetga la Ruinaulta sco emprima sensaziun cun sia crappa bizarra. Pli enavant sa chatta la claustra da Mustér cun dus edifizis interessants. Betg mo per istorichers d'art e per istorichers da la natira vali la paina da visitar la baselgia claustrala ed il museum da la claustra. As persvadai sez.
Tavau
La citad la pli auta da l'Europa è enconuschenta per sia diversitad...Ulteriuras infurmaziuns
La citad la pli auta da l'Europa è enconuschenta per sia diversitad da purschidas da sport, da temp liber e da cultura. Giudai la vita pulsanta da citad u scuvri ina da las numerusas sendas da viandar.
San Murezzan
Eleganza, stil e classa: San Murezzan n'è betg simplamain in lieu da...Ulteriuras infurmaziuns
Eleganza, stil e classa: San Murezzan n'è betg simplamain in lieu da vacanzas. A San Murezzan han cumenzà l'onn 1864 las vacanzas d'enviern en las Alps. Restaurants excellents e hotels da renum internaziunal retschaivan oz giasts da tut il mund.
Arosa
Là, nua ch'ils sportists da naiv stattan a sulegl l'enviern,...Ulteriuras infurmaziuns
Bellinzona
Bellinzona è enconuschenta principalmain pervia da ses trais chastels...Ulteriuras infurmaziuns
Bellinzona è enconuschenta principalmain pervia da ses trais chastels Castelgrande, Montebello e Sasso Corbaro. Quest cumplex da defensiun dal temp medieval fa part dal patrimoni cultural mundial da la UNESCO. La citad veglia e la baselgia Santa Maria delle Grazie èn medemamain attracziuns da Bellinzona.
Er il martgà emnil merita ina visita: Sonda en damaun chattan ins qua ils megliers products da la gastronomia tessinaisa.
Bus express dal Bernina
Il bus express dal Bernina As maina en moda confortabla tras la Vuclina...Ulteriuras infurmaziuns
Il bus express dal Bernina As maina en moda confortabla tras la Vuclina pittoresca. Vus passais tranter auter speravi l'enconuschent Lai da Com. Bleras "stailas e stailettas" han qua lur residenzas da vacanzas. Il viadi cun il bus express dal Bernina va a fin a Lugano. L'atmosfera mediterrana da quest lieu envida da far bellavita.
San Bernardin
La lingia Cuira – Bellinzona As maina sin ina tura d'exploraziun...Ulteriuras infurmaziuns
La lingia Cuira – Bellinzona As maina sin ina tura d'exploraziun istorica. Cumenzar cumenza ella a Cuira – la citad la pli veglia da la Svizra. Vinavant vai tras la Tumleastga – la val cun la pli gronda spessezza da chastels en l'Europa. A Ziràn vali la paina dad ir a guardar la baselgia da renum mundial da son Martin. Vinavant maina la lingia da l'auto da posta tras il tunnel dal San Bernardin e tras la Val Mesauc fin a Bellinzona. Bellinzona As beneventa cun in ambient mediterran e cun trais chastels che tutgan tar il patrimoni cultural mundial da la UNESCO.
Lingia dal pass dal Spleia
La lingia dal pass dal Spleia maina dal vitg da Spleia tras la val taliana...Ulteriuras infurmaziuns
La lingia dal pass dal Spleia maina dal vitg da Spleia tras la val taliana da San Giacomo fin a Chiavenna. Visitai il vitg da Spleia che ha – grazia a ses center bain mantegnì – survegnì il Premi Wakker.
Vitg gualser
Wellness, natira, architectura – Val S. Pieder persvada cun ina vasta...Ulteriuras infurmaziuns
Wellness, natira, architectura – Val S. Pieder persvada cun ina vasta purschida. Admirai la natira sin la senda panoramica sur Frunt fin Zervreila u giudai in'aventura da wellness d'emprima classa en la Terma a Val S. Pieder.
Parc Ela
En il cor dal Grischun sa chatta il pli grond parc natiral da la Svizra. Il...Ulteriuras infurmaziuns
En il cor dal Grischun sa chatta il pli grond parc natiral da la Svizra. Il Parc Ela carmala cun ina natira e cuntrada impressiunanta sco er cun in ritg patrimoni cultural che dat perditga dal commerzi e dal barat che han gì lieu durant millennis sur ils pass tranter il nord ed il sid.
Parc naziunal svizzer
Il Parc naziunal svizzer è vegnì fundà l'onn 1914. El...Ulteriuras infurmaziuns
Il Parc naziunal svizzer è vegnì fundà l'onn 1914. El n'è betg mo il parc naziunal il pli vegl da las Alps – cun ina surfatscha da 170 kilometers quadrat è el er il territori natiral il pli grond da la Svizra. El è situà en il quadrangul Zernez – S-chanf – pass dal Fuorn – Scuol en l'Engiadina.
Val d'Avras
Sin vias aventurusas cuntanschais Vus – cun l'auto da posta davent...Ulteriuras infurmaziuns
Sin vias aventurusas cuntanschais Vus – cun l'auto da posta davent d'Andeer tras la Val Ferrera – la val autalpina d'Avras. La vischnanca è situada sin 1670 fin 2126 m s.m. ed ha var 180 abitantas ed abitants. Sin sendas da ziczac As muvais Vus en il territori da cunfin tranter l'Italia e la Svizra.
Ruinaulta
La Ruinaulta è la chavorgia monumentala dal Rain tranter Glion e La...Ulteriuras infurmaziuns
La Ruinaulta è la chavorgia monumentala dal Rain tranter Glion e La Punt/Rehanau. Utschels rars, paraids-crap alvas e furmaziuns da grip bizarras As spetgan en il Grand Canyon da la Svizra ch'è accessibel mo a pe, cun velo, cun la viafier u cun bartga. Tip: Da la plattafurma panoramica «Il Spir» anora pudais Vus giudair ina vista da 180 grads sur la Ruinaulta.
Bogn Engiadina
Sortir e sfunsar: Il Bogn Engiadina cumpiglia otg differents pools. Sin...Ulteriuras infurmaziuns
Mund da scarsolar Preda – Bravuogn
Sin binaris da renum mundial al divertiment rasant sin schlusigls: quai...Ulteriuras infurmaziuns
Landquart Fashion Outlet
Dapli che mo shopping: Flanai tras il Open Air Village en il stil da...Ulteriuras infurmaziuns
Cuira
Quaida da magia muntagnarda u da vita pulsanta en citad? La citad la pli...Ulteriuras infurmaziuns
Quaida da magia muntagnarda u da vita pulsanta en citad? La citad la pli veglia da la Svizra porscha tuttas duas pussaivladads. Giassas pittorescas e muntognas cuvertas cun naiv, centers da cumpra moderns e natira intacta, restaurants trendics e museums interessants. Cuira è simplamain: la citad da las Alps.
Tirano
La citadina taliana da Tirano è citad da duana ed a medem temp il...Ulteriuras infurmaziuns
La citadina taliana da Tirano è citad da duana ed a medem temp il punct da partenza sid da la lingia dal Bernina. La baselgia da pelegrinadi Madonna di Tirano dat la tempra a la citad veglia romantica. Palazzi e gelati envidan da giudair l'italianità.
Nua ed uschè savens sco che Vus vulais, gist sco ch'igl As plascha. Vus giudais via libra tar las suandantas interpresas da transport en il Grischun tenor champ d'applicaziun.